「個個都玩ChatGPT，唔通個個都玩ChatGPT咩?」
係呀，個個都玩緊ChatGPT呀！小編都玩緊，目標就係要教ChatGPT做個優質9upper！當然，人工智能𠵱啲偉大發明，當然唔可以止於成為9upper啦，仲要幫到小編係Office扮工！所以，今日小編就請左ChatGPT過嚟教大家整熟成牛扒。冇錯！人工智能大戰熟成牛..…..SOR…….…. 係人工智能烹調熟成牛扒！
首先，當然要同ChatGPT打好關係啦！
為左營造開心嘅扮工環境，我地以後就叫ChatGPT做「多士二號」，因為我想佢同特約狗狗同事一樣咁可愛咁nice！估唔到ChatGPT好鍾意𠵱個名，真好！而作為一個專業嘅人工智能，冇實際下廚經驗絕對正常，如果有嘅話，小編會驚驚囉！
好！我地唔講廢話，做正經野先！到底「多士二號」會點樣煮熟成牛扒呢?
有文有路，好Pro好認真，就咁睇個食譜應該真係work，大家不妨試試，試完話畀小編知好唔好食！
咁牛扒當然要有醬汁，睇下「多士二號」有咩推薦先！
落紅酒??
係紅酒汁！「多士二號」推薦紅酒汁！但小編知道有人唔掂得酒，所以我就要「多士二號」畀多一個推薦啦！
嘩！竟然出動芥末，有啲擔心會唔會太重口味。
「多士二號」明白大家對芥末嘅擔憂，所以提醒大家落芥末要隨緣隨心。
佢仲提醒我地醬汁可以按自己口味用佢建議嘅方法調味。
咁有醬汁有牛扒，當然要有配菜啦！
不過佢啲建議有啲普通。食熟成牛扒應該「豪氣」啲！所以，我要「多士二號」食豪啲！
有芝士、有蘑菇，都幾合我口味，算你合格啦！
係完之前，小編Seafood痕，想接觸下暗黑料理嘅世界，點知「多士二號」竟然……..
有幾黑暗呀? 我覺得幾好喎！起碼冇三色豆啦！
正當我問點解暗黑料理冇三色豆個陣，驚奇嘅事又發生啦！
我頂！原來「多士二號」唔知咩野係三色豆！
仲要9upper上身，介紹佢自創嘅三色豆，仲炒埋蛋去食，咩料呀?
完之前，我同「多士二號」做一次思想教育，大家之後可以問下ChatGPT知唔知咩係三色豆。
---
了解更多熟成牛扒資訊
