一文睇清香港5大另類又難忘嘅情人節拍拖活動、地點推介！
情人節黎啦！你計劃好未呀? 想食好西又怕Over Budget? 想表達誠意但無從入手? 今次ZEPPELIN小編精選左5個另類又難忘嘅情人節拍拖活動，唔單止涵蓋海陸空活動，仲要好玩唔洗同人迫，另類得黎兼備浪漫同誠意！遠離煩囂又可以享受二人世界！
情人節拍拖好去處【1】銅鑼灣避風塘水上大排檔 | 海上晚餐 日落美景 地道海鮮
對吃貨黎講，情人節最重要嘅唔係99朵玫瑰，而係好食嘅大餐！去大排檔到食? 唔適合情人節之餘又嘈又迫，私隱度又低，而且放上IG唔好睇！咁嘅情況，水上大排檔好適合你，位置獨特又罕見，2個人坐曬成隻艇，環境又衛生，私隱度好高，菜式夠地道。想情人節食得舒服，對食物有要求嘅話，𠵱到值得考慮！
人均消費：約$500起
推薦地點：銅鑼灣銅鑼灣避風塘賣水站碼頭
情人節拍拖好去處【2】直升機飛行體驗 | 翱翔天際 以全新角度觀賞香港
想情人節難忘之餘夠獨特，想伴侶可以係情人節之後同朋友分享威返轉? 你可以選擇直升機飛行體驗！帶住伴侶搭直升機，不論係觀賞維港兩岸、空中環遊香港定係觀賞自然生態景觀，都絕對係畢生難忘嘅經歷！飛行行程可選擇包機進行，私隱度極高！另外半島酒店亦有相關套餐好適合情人節，飛完之後可以黎個High Tea，夠曬浪漫夠曬威！
消費：約$1,5000起
情人節拍拖好去處【3】親自烹調熟成牛扒 | IG放閃一流 誠意心思滿分
情人節唔想出街食、唔想同人迫、但又想食啲 IGable嘅高級野順路打卡? ZEPPELIN HOT DOG副線ZEPPELIN MALL推出嘅「情人節熟成牛扒情侶套餐」係你嘅最佳選擇！套餐包括2塊ZEPPELIN自家製作的30日或45日乾式熟成肉眼牛扒仲送一支澳洲靚紅酒，價錢實惠相當抵食！
熟成牛扒一般都要去高級扒房以高價品嚐，而家可以係屋企自己煮，實惠之餘又夠高級大方，屋企自煮方便佈設情人節氣氛；親自下廚已經夠曬誠意，仲要係熟成牛扒𠵱啲高級食材，一定冧爆另一半，而且塊扒煎起上黎夠曬IGable，情人節放閃必備！
套餐售價：
30日熟成牛扒情侶套餐 (30日熟成牛扒 x2 & 澳洲五星紅酒一支) $588
45日熟成牛扒情侶套餐 (45日熟成牛扒 x2 & 澳洲五星紅酒一支) $628
情人節拍拖好去處【4】沉浸式藝術體驗 | IG打卡聖地 難忘藝術體驗
想情人節過得充滿文青氣息但又想有啲新意? 沉浸式藝術展覽幫到你！ 近期香港多處都有舉行沉浸式藝術體驗嘅展覽/活動，例如ARTE M HONG KONG、西九嘅莫內展覽等，入場費有平有貴，亦有多種主題可以選擇，總有一個係適合你嘅口味同Budget！
情人節拍拖好去處【5】綵耳舒壓EAR SPA | 展示窩心愛意 放鬆過節
無論仲係學生定係已經要日日返工，壓力一定會持續累積，成為健康困擾。情人節嗰幾日，不妨同伴侶一齊享受一次綵耳舒壓療程，唔止可以清潔耳仔，大部分療程仲包括按摩舒壓嘅服務，做完一身鬆，係一個同伴侶好好休息嘅機會，亦能夠係情人節展示你嘅細心同窩心愛意！
人均消費：一般約$500起